На 06.09.2026 година, во Четиринаесеттата недела по Педесетница, кога Светата Православна Црква го празнува споменот на Светиот свештеномаченик Евтихиј, Неговото Високопреосвештенство, Митрополитот Преспанско-пелагониски г. Петар, изврши Големо осветување на храмот „Свети Никола“ во село Беровци, Прилепско архиерејско намесништво.

На овој свечен и благословен чин сослужуваа протоереите-ставрофори Никола Грамбозов, Влатко Ристески, протоереите Дејан Секулоски, Злате Стефановски, ереите Благоја Трајковски, Кирил Донев и протоѓаконот Драган Ѓоргиевски.

По Големото осветување беше отслужена Света Архиерејска Божествена Литургија, на која многубројниот верен народ молитвено учествуваше и се причести со Светите Христови Тајни.

Овој свечен ден ќе остане запишан во духовната историја на село Беровци, а новоосветениот храм, по молитвите на Свети Николај Чудотворец, нека биде место на молитва, благодат и духовна утеха за сите верни.