Преосветување на црквата „Св. Атанасиј“ во Неготино

На 05. 11. 2017 година, се изврши преосветување на црквата „Св. Атанасиј“ во Неготино. Чинот на преосветување на храмот го извршија Митрополитот Повардарски г. Агатангел, Митрополитот Преспанско-пелагониски и администратор Австралиско-новозеландски г. Петар, Митрополитот Дебарско-кичевски и администратор Австралиско-сиднејски г. Тимотеј, Митрополитот Брегалнички г. Иларион, во сослужение на повеќе клирици на Македонската православна црква.

По чинот на осветувањето се отслужи и Света Божествена Литургија со која чиноначалствуваше Митрополитот Преспанско-пелагониски и администратор Австралиско-новозеландски г. Петар. Чинот на преосветување на храмот, како и Божествената Литургија молитвено ги проследија голем број жители на градот Неготино, чиј патрон е Свети Атанасиј Велики.

Црквата „Св. Атанасиј“ се преосвети по завршувањето на целосното надворешно и внатрешно реновирање, при што беше поставен нов инокостас, како и нов фрескоживопис. Митрополитот Агатангел во оваа прилика им подели благодарници на сите оние кои ја помогнаа целосната реставрација на овој храм.

DSC_0374 DSC_0393 DSC_0426 DSC_0484

ПРЕМИНИ КОН ГАЛЕРИЈА

Извор: http://www.povardarska-eparhija.org.mk