Во неделата, на 22.10.2017 година, Неговото блаженство Архиепископот охридски и македонски г.г. Стефан, во сослужение со архиереите: г. Петар, Митрополит Преспанско-пелагониски и администратор Австралиско-новозеландски, г. Тимотеј, Митрополит Дебарско-кичевски и администратор Австралиско-сиднејски, г. Агатангел, Митрополит Повардарски, г. Иларион, Митрополит Брегалнички и г. Климент, Епископ Хераклејски,  ја освети црквата, новите конаци и крстилната во манастирот посветен на Преподобниот Наум Охридски во Радишани.
Новоосветениот храм е изграден на местото на старата црква, во месноста наречена Жегровец, од левата страна на реката Серава. Камен темелникот  е положен на 30.08.1990 година, од неговото блаженство Архиепископот г.г. Гаврил кој, по свое завештание, заедно со неговиот наследник, Архиепископот г.г. Михаил, се погребани во припратата на црквата.

Камбанаријата е обновена во периодот 2016-2017, и осветена од Архиепископот Стефан на 8 април 2017 г. (Лазарева сабота). Во истиот период (2016-2017 г.) е ,  обновен стариот конак, изградени со нова крстилници а трпезарија, и во храмот е исликан прекрасниот фрескопис од зографската тајфа „Св. Наум Охридски“, тајфа која ја сочинуваат шестмината  млади македонски иконописци.

Сите зданија при манастирскиот комплекс се изградени и украсени со финансиски средства на Скопската православна епархија, со усрдна помош на бројни жители на Радишани, но и со особен придонес од отец Методиј (Петров), игумен при Валаамскиот манастир, кој штедро помогна и при изградбата и при животописувањето и при украсувањето на манастирскиот храм и комплекс, за што од страна на Архиепископот г.г. Стефан е награден со одличијето „медал Архиепископ Доситеј“

Повеќе: http://spe.org.mk