Христос се роди! Денеска, на 07.01.2015 лето Господово, кога го празнуваме Раѓањето на Семилостивиот Господ наш Исус Христос во Тело, митрополитот Преспанско-Пелагониски Петар отслужи Божествена Литургија во соборниот храм „Св. Димитриј“ во Битола. На литургијата, владиката со празнична посланица го поздрави многубројниот народ.
[youtube]https://www.youtube.com/watch?v=dcqBvGztOx4[/youtube]
После Литургијата, Владиката го посети Домот за доенчиња и мали деца во Битола, каде им раздели божиќни подароци, активно земајќи учество да им се доближе топлината од празникот на раѓањето на нашиот Спасител, Кој се родил и умрел за секој еден од нас, и Кој ни заповедал да си ги носиме крстовите еден со друг, велејќи: Ако сте го направиле ова на најмалиот меѓу вас, Мене сте ми го направиле! (Мт. 25, 40).
Потоа, во Организација на Детската Амбасада, Владиката го благослови Божиќниот ручек за 400 деца во хотелот Кристал Палас во Прилеп.
Христос се роди! За многу години!
[youtube]https://www.youtube.com/watch?v=YTJopXRZvp8[/youtube]
