На 04.03.2020 г., во Средата од Првата недела во Великиот пост, Митрополитот Преспанско-пелагониски г. Петар, отслужи Големо повечерие со читање на третиот дел од Канонот на Свети Андреј Критски, во храмот „Рождество на Пресвета Богородица“, во Битола.
Ирмос: Повикав од се срце кон Штедриот Бог, и ме слушна од најдолниот ад и го изведе од гибел животот мој.
Помилуј ме, Боже, помилуј ме.
Стани и победи ги телесните страсти, како Исус (Навин) – Амалика и Гаваонците, победувајќи ги секогаш лажните помисли.
Помилуј ме, Боже, помилуј ме.
Бог заповеда, душо, да ја поминеш минливата природа на времето и да станеш наследник на ветената земја.
Помилуј ме, Боже, помилуј ме.
Како што го спаси Петра, кој повика: Спаси ме; побрзај, Спасителу, и од ѕверот избави ме! Подај ја раката Твоја и од бездната гревовна изведи ме.
Помилуј ме, Боже, помилуј ме.
Знам дека си мирно пристаниште, Владико Христе, затоа побрзај и од непроодната длабочина на гревот и очајание избави ме.
Слава на Отецот и Синот и Светиот Дух!
Троица сум проста, нераздела, а по лица разделна; и Единица сум, по природа соединета, вели Отецот и Синот и Светиот Дух.
И сега и секогаш и во сите векови. Амин!
Утробата твоја Бога ни Го роди, според наш образ: Него, како Создател на сите, моли Го, Богородице, по твоите молитви да се оправдаме.
Кондак: Душо моја, душо моја, стани, зошто спиеш, крајот се приближува, ќе се збуниш. Затоа разбуди се, за да те поштеди Христос Бог, Кој е насекаде и се исполнува.
